نینی تال: اتراکھنڈ کے کاشی پور میں ایک پاگل عاشق نے اپنی گرل فرینڈ اور اس کی ماں کو گلا کاٹ کر قتل کر دیا۔ قتل کے بعد ملزم نے خود کو تھانے میں خودسپردگی کر دی۔ پولیس نے ملزم کو حراست میں لے لیا ہے ۔پولیس سے موصولہ اطلاع کے مطابق نانیا کی بیوی رئیس اپنی بیٹی شیبا (22) کے ساتھ کاشی پور کے علی خان محلہ میں رہتی تھی۔ جمعرات کی صبح تقریباً 11 بجے ان کے پڑوس میں رہنے والا محمد سلمان تیز دھار ہتھیار لے کر نانیا کے گھر پہنچا اور پہلے بازار جارہی شیبا کو گلا کاٹ کر قتل کر دیا۔اس کے بعد وہ ہتھیار لے کر شیبا کے گھر پہنچا اور اس کی ماں کو بھی گلا کاٹ کر قتل کر دیا۔ جس سے شہر میں ہلچل مچ گئی۔ عاشق خون میں لت پت سلمان ہتھیار لے کر بنسفوڑان چوکی پر پہنچا جہاں اس نے پولیس اہلکاروں کو بتایا کہ اس نے ماں بیٹی کو گلا کاٹ کر قتل کیا ہے ۔ جس سے پولیس اہلکار حیران رہ گئے ۔پولیس نے اسے فوراً اپنی تحویل میں لے لیا۔ جس کے بعد اہلکار پورے دستہ کے ساتھ موقع پر پہنچے اور لاشوں کو قبضے میں لے کر مزید کارروائی کی۔
