نئی دہلی۔ اوپنر روہت شرما کی فٹنس سے متعلق فیصلہ ان کے اگلے فٹنس ٹسٹ کے بعد11 دسمبر کو لیا جائے گا ، جبکہ فاسٹ بولر ایشانت شرما کو آسٹریلیا کے خلاف چار ٹسٹ میچوں کی بارڈر ۔ گواسکر ٹرافی سے باہر کردیا گیا ہے ۔ بی سی سی آئی کے سکریٹری جئے شاہ نے روہت شرما اور ایشانت شرما کی فٹنس سے متعلق تازہ ترین معلومات دیتے ہوئے کہا کہ روہت بنگلورمیں نیشنل کرکٹ اکیڈمی (این سی اے ) میں ری ہیبلی ٹیشن سے گزر رہے ہیں اور ان کا اگلا ٹسٹ 11 دسمبر کو کیا جائے گا ، جس کے بعد بی سی سی آئی 17 دسمبر سے شروع ہونے والی چار ٹسٹ میچوں کی سیریز میں روہت کی شرکت کے بارے میں فیصلہ لے گی۔