ممبئی: عالمی بازار میں ملے جلے رجحان کے درمیان، مقامی سطح پر ایف ایم سی جی، آئی ٹی، آئل اینڈ گیس اور ٹیک سمیت نو گروپوں میں فروخت کی وجہ سے آج دونوں بینچ مارک انڈیکس سینسیکس اور نفٹی گر گئے ۔بی ایس ای کا 30 حصص والا حساس انڈیکس سینسیکس 47.77 پوائنٹس گر کر 65970.04 پوائنٹس پر اور نیشنل اسٹاک ایکسچینج کا نفٹی 7.30 پوائنٹس گر کر 19794.70 رہ گیا۔ تاہم، بڑی کمپنیوں کے برعکس، درمیانی اور چھوٹی کمپنیوں میں تیزی رہی، جس کی وجہ سے بی ایس ای کا مڈ کیپ 33610.39 پوائنٹس اور اسمال کیپ 39807.29 پوائنٹس تک پہنچا۔
