جونپور: کیرالا کے گورنر عارف محمد خان نے کہا ہے کہ قومی تعلیمی پالیسی2020 کا مقصد ہی تعلیم اور سیکھنے پر توجہ مرکوز کرنا اور ہندوستان کو ایک گلوبل نالج سوپرپاور بنانا ہے ۔خان نے چہارشنبہ کو جونپور ڈاک بنگلے میں میڈیاسے بات چیت میں قومی تعلیمی پالیسی 2020 کا ہدف 2040 تک ایک کامیاب تعلیمی نظام بنانا ہے جس میں سبھی امیدواروں کی سماجی۔معاشی حالت کی فکر کئے بغیر اعلی معیاری تعلیم تک یکساں پہنچ ہو۔ اس کا مقصد ایک نئے نظام کی تعمیر کرنا ہے جو ہندوستان کی روایات اور اقدار کو اپنے اندر سموئے ہوئے سوپر پاور بننے کا راستہ ہموار کرے ۔انہوں نے کہا کہ ہندوستان کی شان کو بحال کرنے کے لیے نئی تعلیمی پالیسی میں ہندوستان کی ثقافتی تاریخ کے طول و عرض، سائنسی کھوج (جدت) وغیرہ پر خصوصی زور دیا گیا ہے ۔ تعلیم کے بغیر انسان کی زندگی ادھوری رہتی ہے ۔
