مکہ مکرمہ ۔ سعودی عرب میں مقدس مساجد کی انتظامیہ نے مطلع کیا ہے کہ مسجد الحرام میں 200 الیکڑانک زینے ہر روز ایک لاکھ پانچ ہزارافراد استعمال کر تے ہیں۔20 سعودی انجینیر ان زینوں کے انچارج ہیں جو ان کی کارکردگی پر نظر رکھتے ہیں اور کسی بھی خرابی کی صورت میں ان کی مرمت کرتے ہیں۔ ایس پی اے کے مطابق الیکڑانک زینے مسجد الحرام کے تمام حصوں میں نصب ہیں۔ پرانی عمارت سے لے کر نئی توسیعی والے حصوں تک الیکڑانک زینے موجود ہیں۔صفا ومروہ، سوق صغیر، طہارت خانوں، حرم کے دروازوں اور سوق صغیر انڈر پاس میں بھی الیکڑک زینے لگائے گئے ہیں جبکہ میناروں اور سروس لفٹس سے متصل سے بھی اس کا نتظام کیا گیا ہے۔حال ہی میں حرم میں کے نئے توسیعی حصے میں آٹھ نئے زینوں کا اضافہ کیا گیا ہے تاکہ عمرہ اورنماز کے لئے آنے جانے والوں کو آسانی ہواس سے قبل سات زینے بنائے گئے تھے۔
