حیدرآباد ۔26۔ اپریل (سیاست نیوز) چارمینار زون پولیس نے ملٹی لیول مارکیٹنگ کے ایک بڑے دھوکہ دیہی کے جال کا پردہ فاش کردیا اور ایک دھوکہ باز کو گرفتار کرلیا ۔ ڈی سی پی چارمینار زون مسٹر کرن کھرے نے پریس کانفرنس کے دوران گرفتار شخص کی توثیق کی اور بتایا کہ 61 سالہ ہریش کمار منگلا ساکن گروگرام بتایا گیا ہے ، کو گرفتار کرلیا ۔ ڈیجیٹل مارکیٹنگ کے ذریعہ پراڈکٹس کی فروخت کے نام پر عوام سے بھاری رقم وصول کی جارہی تھی اور انہیں دھوکہ دیا جارہا تھا ۔ رجسٹریشن کے نام پر ایجنسی کے ذریعہ 199 اور 200 روپئے کے علاوہ 249 روپئے وصول کرتے ہوئے سلو ٹریک ، میڈیم ٹریک اور فاسٹ ٹریک اور کامبو پیاکیجس کے نام پر رقم وصول کی جانے لگی تھی ۔ گھر بیٹھے کام/ گھریلو خواتین کو گھر بیٹھے آمدنی کا لالچ دے کر اپنے جال میں پھانس رہے تھے ۔ اس ٹولی کے خلاف مادنا پیٹ ، رین بازار اور میر چوک میں مقدمات درج کئے گئے تھے ۔عK/
