امتحان میں شرکت ‘کرناٹک میں 12ویں کے امتحانات کا آغاز
بنگلورو: کرناٹک میں ملیشورم پری یونیورسٹی کالج کی ایک طالبہ، جو برقعہ پہن کر امتحان لکھنے کی اجازت دینے پر اصرار کر رہی تھی، پرنسپل نے کونسلنگ کی جس کے بعد طالبہ حجاب اتار کرامتحان لکھنے کیلئے راضی ہوگئی اور جمعرات کو یہاں امتحان میں شریک ہوئی۔طالبہ آخری لمحات تک اصرار کرتی رہی کہ اسے حجاب پہن کر امتحان دینے کی اجازت دی جائے۔اگرچہ حکام نے اس کی درخواستوں کو مسترد کر دیا، طالبہ اٹل رہی۔ تاہم، پرنسپل، جو امتحان کی ڈیوٹی پر تھے، نے طالبہ سے بات کی اور اسے قواعد کے بارے میں بتایا۔وزارت تعلیم کے ذرائع نے بتایا کہ اس نے اسے یہ بھی بتایا کہ امتحانات لکھنا کتنا ضروری ہے، جس کے بعد طالبہ نے حجاب ہٹانے پر رضامندی ظاہر کی۔وزیر تعلیم بی سی ناگیش کئی بار کہہ چکے ہیں کہ حجاب یا کوئی ایسا لباس جو مذہب کی علامت ہو، ان کو پہن کر امتحانات دینے کی اجازت نہیں دی جائے گی۔کرناٹک میں 12ویں کے امتحانات کا آج سے آغاز ہوگیا۔طلبا نے آج کنڑ اور عربی کا امتحان لکھا۔
