اسٹاکہوم: کیمسٹری کے شعبہ میں نمایاں کارکردگی کیلئے 2024کا نوبل انعام امریکی سائنسدانوں ڈیوڈ بیکر، جان جمپر اور برطانوی سائنسداں کے ۔ ڈیمس حسابیس کو دینے اعلان کیا گیا ہے ۔ چہارشنبہ کو اس ایوارڈ کا اعلان کرتے ہوئے رائل سویڈش اکیڈمی آف سائنسز نے کہا کہ اس سال یہ ایوارڈ دو حصوں میں تین سائنسدانوں کو دیا جائے گا۔پہلا حصہ ڈیوڈ بیکر کو گیا، جس نے پروٹین کی نئی اقسام کی نشوونما میں بے مثال تعاون کیا ہے۔ اکیڈمی کے بیان کے مطابق سائنسداں بیکر نے ایک ایسا طریقہ دریافت کیا ہے جو سائنسدانوں کو کنٹرول شدہ حالات میں پروٹین بنانے کی اجازت دیتا ہے ۔ سائنسدان بیکر کی تحقیق نے ادویات کی نشوونما، انزائم انجینئرنگ اور مصنوعی حیاتیات میں نئی راہیں نکالی ہیں۔ انعام کا دوسرا حصہ ڈیمس حسابیس اور جان ایم جمپر کو پروٹین کی ساخت کی پیشن گوئی میں ان کی اختراعات کے لیے دیا گیا ہے ۔ اس نے ایک اے آئی ماڈل بنایا جس نے پروٹین کی پیچیدہ ساخت کو سمجھنے میں مدد کی ہے ۔نوبل انعام 2024 کے فاتحین کا اعلان پیر 7اکتوبر سے شروع ہو گیا ہے ۔ پہلے دن طب کا نوبل انعام وکٹر ایمبروز اور گیری رووکون کو دیا گیا۔ انہیں یہ اعزاز مائیکرو رائبونیوکلک ایسڈ (آر این اے ) کی دریافت پر دیا گیا ہے ۔منگل کو طبیعیات کا نوبل انعام جیفری ای ہنٹن، جسے اے آئی کے گاڈ فادر کہا جاتا ہے ، اور امریکی سائنسدان جان جے ۔ ہوپ فیلڈ کا اعلان کیا گیا۔ انہیں یہ اعزاز مشین لرننگ سے متعلق نئی تکنیکوں کی ترقی کے لیے دیا گیا ہے جو مصنوعی نیوران پر مبنی ہے ۔نوبل انعامات دینے کا کام 14 اکتوبر تک جاری رہے گا۔
