ان دوافراد کو منگل کے روز ان کے آبائی مقام راجستھان کے گوپال گڑھ سے مبینہ اٹھایاکر لایاگیاتھا
گاؤ ذبیحہ کے شبہ میں ہریانہ کے بھیوانی میں دو مسلم افراد جنید اور ناصر کوبجرنگ دل کارکنوں نے مبینہ اغوا کیا‘ ان کے ساتھ ظلم وزیادتی کرتے ہوئے انہیں قتل کردیاہے۔ان دوافراد کو منگل کے روز ان کے آبائی مقام راجستھان کے گوپال گڑھ سے مبینہ اٹھایاکر لایاگیاتھا۔
مکتوب میڈیانے ایک فیملی ممبر کے حوالہ دیتے ہوئے کہاکہ بجرنگ دل کے ایک لیڈر مونو منیاسار نے دیگر کارکنان کے ساتھ جنید اور نصیر کو پیروکا جنگلات سے اغوا کیااور انہیں بھیوانی میں بارواس گاؤں لے کر چلے گئے۔
ایف ائی آر میں بجرنگ دل لیڈران مونو منیا سار‘ لوکیش‘ رینکو رانی او رسریکانت کے نام ہیں اور ان پر جنید اور نصیر کا اغوا کرنے اور ان کے ساتھ مارپیٹ کرنے کے الزامات عائد کئے گئے ہیں۔ انہوں نے مزید الزام لگایاکہ دونوں افراد کو زندہ جلادیاگیاہے۔
بھارت پور انسپکٹر جنرل گوراؤ سریواستو نے کہاکہ ایک جھلسی ہوئی کار کے تکڑے ملے ہیں جس میں دو گائے تسکروں کی نعشیں تھیں۔
سریواستونے مزیدکہاکہ گوپال گڑھ ایس ایچ او اس معاملے کی جانچ کررہے ہیں