بین الاقوامی مالیاتی ادارے نے کہا ہے کہ ممالک کے درمیان جاری کاروباری جنگ (ٹریڈ وار) ان جھگڑوں سے عالمی معیشت عالمی معیشت کے حالات خستہ ہو رہے ہیں۔ آئی ایم ایف کی منیجنگ ڈائریکٹر کے طور پر اپنے پہلے خطاب میں کرسٹلینا جارجیوا نے کہا ہے کہ عالمی معیشت کی شرح ترقی اس دہائی کی سب سے نچلی سطح پر آنے کے امکانات ہیں۔ انہوں نے ہندوستان کا ذکر کرتے ہوئے کہا کہ ہندوستان میں معاشی بحران کے اثرات زیادہ نظر آئیں گے۔
جارجیوا نے اپنی بات جاری رکھتے ہوے کہاکہ ’’ابھرتے بازار والے کچھ ممالک جیسے ہندوستان اور برازیل میں اس سال مندی زیادہ واضح ہوگی۔ چین کی شرح ترقی کئی سالوں تک لگاتار بڑھنے کے بعد اب مسلسل گھٹتی جا رہی ہے‘‘۔ انہوں نے کہا کے تحقیق بتاتی ہے کہ تجارتی جھگڑوں کا وسیع اثر نظر آ رہا ہے اور ممالک کو معیشت میں نقدی ڈالنے کےلئے تیار رہنا چاہیے۔ انہوں نے کہا کہ ماحولیاتی تبدیلی بھی عالمی معیشت کے لئے ایک بہت بڑا چیلنج ہے اور اس کے حل کے لئے کاربن ٹیکس بڑھایا جانا بہت ضروری ہے۔
جارجیوا کا کہنا ہے کہ ’’امکان ہے کہ دنیا کی نوے فیصدی معیشت مندی کی چپیٹ میں آ جائے گی۔ انہوں نے کہا ’’امریکہ اور جرمنی میں بے رزگاری کی شرح کم ہے لیکن پھر بھی امریکہ، جاپان اور یوروپی خطہ میں اقتصادی حرکت کم ہے اور دنیا کی ابھرتی ہوئی معیشتیں جیسے ہندوستان اور برازیل ہیں وہاں پر یہ مندی زیادہ واضح ہوں گی‘‘ ہندوستان کے وزارت خزانہ کو آئی ایم ایف کے اس اشارہ کو سنجیدگی سے لینے کی ضرورت ہے کیونکہ ملک کی معیشت پہلے ہی کئی مسائل سے دو چار ہے اور نوٹ بندی کے بعد سے گھریلو صنعت بری طرح متاثر ہو چکی ہے جبکہ جی ایس ٹی کا اثر ابھی تک انڈسٹری پر نظر مسلسل دیکھنے مل رہا ہے۔