برسلز : یورپی یونین اور نیٹو نے انفراسٹرکچر کو درپیش خطرات کے تعین اور نقصان کے ازالے کے لئے مشترکہ ڈیوٹی فورسز کا اجراء کر دیا ہے۔یورپی یونین کمیشن کی سربراہ اْرسولا وان ڈر لئین اور نیٹو کے سیکرٹری جنرل ڑینز اسٹالٹن برگ نے یورپی یونین کمیشن اراکین کے دفاعی و سلامتی اجلاس میں شرکت سے قبل ذرائع ابلاغ کے لئے بیان جاری کیا ہے۔بیان میں وان ڈر لئین نے کہا ہے کہ یورپی یونین اور نیٹو کے ماہرین نے ایک مشترکہ ڈیوٹی فورس قائم کی ہے۔ یہ ڈیوٹی فورس سنجیدہ سطح کے انفراسٹرکچر کو لاحق خطرات کے اوراسٹریٹجک حوالے سے کمزور حصوں کے تعین کے بعد کمزوریوں کے ازالے کے لئے کام کرے گی۔انہوں نے کہا ہے کہ ماہرین پہلے مرحلے میں رسل و رسائل ، انرجی، ڈیجٹلائزیشن اور خلا کے شعبوں پر توجہ مرکوز کریں گے اور ان سے متعلق شواہد کا یورپی یونین اور نیٹو کے ساتھ تبادلہ کریں گے۔ شراکت داری کی بنیاد معلومات اور ماہرانہ آراء کے تبادلے کے ذریعہ قبل از وقت وارننگ پر استوار ہو گی۔وان ڈر لئین نے کہا ہے کہ اسٹالٹن برگ کی بھی شرکت سے منعقدہ دفاعی و سلامتی اجلاس میں یوکرین کو ہر شعبے میں دئیے جانے والے تعاون اور یورپ کو درپیش خطرات پر غور کیا جائے گا۔ڑینز اسٹالٹن برگ نے بھی ،یورپی یونین اور نیٹو کے باہمی اتحاد میں مزید اضافے کے لئے، کل ایک ڈکلیریشن پر دستخط کرنے کی یاد دہانی کروائی اور کہا ہے کہ ہم بڑھتی ہوئی جیو پولیٹک رقابت، سلامتی کے لئے خطرہ تشکیل دینے والی ٹیکنالوجیوں اور ماحولیاتی تبدیلیوں کے سلامتی پر منفی اثرات جیسے شعبوں میں مل کر کام کریں گے۔انہوں نے یوکرین کے ساتھ تعاون کی اہمیت پر بات کی اورکہا ہے کہ نیٹو۔یورپی یونین ڈیوٹی فورس کاہدف سنجیدہ انفراسٹرکچر ، ٹیکنالوجی اور رسدی زنجیر کی صلاحیت کو، درپیش خطرات کے مقابل، زیادہ پائیدار بنانا ہے۔اسٹالٹن برگ نے کہا ہے کہ ہم، امریکہ، فرانس اور جرمنی کی طرف سے یوکرین کو پیادہ جنگی وہیکل اور ہلکے ٹینک کی فراہمی کا خیر مقدم کرتے ہیں۔
