واشنگٹن : اگر روس کے صدر ولادی میر پوٹن یوکرین میں جنگ ختم کرنے کی طرف مائل ہوتے ہیں تو میں ان کے ساتھ ملاقات کے لئے تیار ہوں: صدر جو بائیڈن۔ امریکہ کے صدر جو بائیڈن نے کہا ہے کہ اگر روس کے صدر ولادی میر پوٹن یوکرین میں جنگ ختم کرنے کی طرف مائل ہوتے ہیں تو میں ان کے ساتھ ملاقات کے لئے تیار ہوں۔ فرانس کے صدر امانوئیل ماکرون کے دورہ امریکہ کے دوران وائٹ ہاوس میں دو طرفہ ملاقات کے بعد صدور نے مشترکہ پریس کانفرنس میں شرکت کی۔ پریس کانفرنس میں یوکرین کی عسکری امداد جاری رکھنے کا موضوع دونوں صدور کے ایجنڈہ پر تھا۔ کانفرنس سے خطاب میں صدر بائیڈن نے کہا ہے کہ جنگ ختم کرنے کا واحد عقلی راستہ یہ ہے کہ پوٹن یوکرین سے فوجیں نکال لیں۔پوتن اس راستے کو مسترد کرنے کا نہ صرف خود بہت بھاری بدل چکا رہے ہیں بلکہ یوکرین میں بھی وسیع پیمانے پر تباہی کا سبب بن رہے ہیں۔ انہوں نے کہا ہے کہ میرا، پوٹن سے ملاقات کا کوئی ارادہ نہیں ہے لیکن اگر وہ جنگ ختم کرنے کا فیصلہ کر لیتے ہیں تو میں ان کے ساتھ ملاقات کیلئے تیار ہوں۔ تاہم فی الحال وہ ایسے کسی راستے کی طرف جاتے دِکھائی نہیں دے رہے۔ اگر ایسی کوئی بات ہوتی ہے تو میں فرانس اور دیگر ناٹو اتحادیوں کے ساتھ رابطے میں رہ کر پوٹن کے ساتھ ملاقات کروں گا اور ان کی نیت بھانپنے کی کوشش کروں گا۔ فرانس کے صدر امانوئیل ماکرون نے بھی کہا ہے کہ یوکرین جنگ کے معاملہ میں فیصلے کا حق یوکرین کے پاس ہے۔ ہم کبھی بھی یوکرین سے کسی ایسی قربانی کا مطالبہ نہیں کریں گے جو ان کے لئے قابلِ قبول نہ ہو۔ یوں بھی ڈھیل دے کر حاصل کردہ امن مستحکم امن نہیں ہوگا۔
