رائے پور : 31جولائی ( یو این آئی ) چھتیس گڑھ سے 787 عازمین کا انتخاب، 241 امیدوار ویٹنگ لسٹ میں شامل رائے پور، 31 جولائی (یو این آئی) چھتیس گڑھ اسٹیٹ حج کمیٹی کے چیئرمین مرزا اعجاز بیگ نے جاری کردہ پریس ریلیز میں بتایا کہ حج کمیٹی آف انڈیا کی جانب سے حج 2027 کے لیے موصول ہونے والی درخواستوں کا آن لائن ڈیجیٹل رینڈم سلیکشن (قرعہ اندازی) آج 30 جولائی 2026 کو ممبئی حج ہاؤس میں مرکزی سطح پر کامیابی کے ساتھ انجام دیا گیا۔ انہوں نے بتایا کہ حج 2027 کے لیے چھتیس گڑھ سے مجموعی طور پر 1028 درخواستیں موصول ہوئی تھیں، جن میں سے 787 عازمین کا انتخاب کنفرم کیا گیا ہے ، جبکہ 241 درخواست گزاروں کو ویٹنگ لسٹ میں رکھا گیا ہے ۔ منتخب اور انتظار فہرست میں شامل تمام درخواست گزاروں کی فہرست حج کمیٹی آف انڈیا کی ویب سائٹ پر جاری کر دی گئی ہے ۔ مرزا اعجاز بیگ نے مزید بتایا کہ قرعہ اندازی میں منتخب ہونے والے ہر عازمِ حج کو 10 اگست 2026 تک پہلی قسط کے طور پر 1,52,300 روپے جمع کرانے ہوں گے ۔
