عدن: یمن کے حوثی باغیوں کی فوج نے منگل کو اعلان کیا ہے کہ انہوں نے بحیرہ احمر کے بندرگاہی شہر حدیدہ پر ایک امریکی MQ-9 جاسوسی ڈرون کو کامیابی کے ساتھ روک دیا ہے ۔ حوثی فوج کے ترجمان یحییٰ ساریہ نے سوشل میڈیا پلیٹ فارم ’ایکس‘ پر کہا کہ ڈرون کو صوبہ الحدیدہ میں یمن کی فضائی حدود کی خلاف ورزی اور دشمنانہ مہم چلانے کے دوران مار گرایا گیا۔ ساریہ نے کہا کہ یہ 15 واں طیارہ تھا جسے حوثی فورسز نے وعدہ شدہ آزادی اور مقدس جہاد کیلئے جاری جنگ کے دوران مار گرایا، جسے وہ غزہ اور لبنان کی حمایت کرنے والی مہم کے طور پر بیان کرتے ہیں۔ حوثیوں کے اس دعوے کے بارے میں امریکی فوج یا سفارتی ذرائع سے فوری طور پر کوئی تبصرہ دستیاب نہیں ہے ۔
