چینائی میں کسٹم ہاؤس کامپلکس کی سنگ بنیاد تقریب سے نرملا سیتا رمن کا خطاب
چینائی : مرکزی وزیر خزانہ نرملا سیتا رمن نے آج کہا کہ وزیر اعظم نریندر مودی کی قیادت والی حکومت اسٹیک ہولڈرز کے لیے کاروباری سہولیات کو بہتر بنانے کے لیے پرعزم ہے۔ یہاں تقریباً 92 کروڑ روپے کی لاگت سے تعمیر ہونے والے نو منزلہ کسٹم ہاؤس کمپلیکس “ویگائی” کا سنگ بنیاد رکھنے کی تقریب میں شرکت کرتے ہوئے وزیر خزانہ نے کہا کہ یہ عمارت مکمل طور پر گرین بلڈنگ ہوگی اور ماحولیاتی آلودگی کو روکے گی۔ عمارت تمام ضروری آلات سے لیس ہوگی۔ویگسائی میں کام کرنے کا ماحول بہت اچھا ہو گا اور اسے کسٹمز ڈیپارٹمنٹ ہیڈ کوارٹر سے منسلک کیا جائے گا۔ یہ اپنی نوعیت کی پہلی عمارت ہوگی جس میں مستقبل کے لیے درکار تمام ٹیکنالوجی استعمال کی جائے گی اور یہاں تمام اسٹیک ہولڈرز کو اپنا کام مکمل کرنے کی سہولت دی جائے گی۔اس پروگرام میں وویک جوہری، چیئرمین، سنٹرل بورڈ آف بالواسطہ ٹیکس اور کسٹمز، نتن گپتا، سنٹرل بورڈ آف ڈائریکٹ ٹیکس اور محکمہ انکم ٹیکس اور کسٹمز کے سینئر افسران نے بھی شرکت کی۔
