Wednesday , August 12 2020

سورت: بازار میں ہیروں سے مزین ماسک دستیاب۔ 1تا 4 روپے قیمت

سورت(گجرات): ملک میں کورونا وائرس (کوویڈ۔19) کے بڑھتے کیسس میں عوام نے ماسک کو اپنے اوپر لازم کرلیا ہے اور اسے ضروری اشیاء میں شامل کرلیا ہے۔ بازاروں میں نت نئے ڈیزائن کے ماسک آرہے ہیں۔اب خبر آئی ہے کہ گجرات کے شہر سورت میں ہیرے کے تاجروں نے ہیروں سے جڑے خوبصورت ماسک تیار کررہے ہیں جس کی قیمت1لاکھ روپے سے لے کر 4 لاکھ روپے تک ہے۔ شادی بیاہ اور دیگر تقاریب کے موقع پر ان ماسکوں کا استعمال کیا جارہا ہے۔

ایک جیولری شاپ کے مالک دیپک چوکسی نے بتایا کہ ہیروں کے ماسک کا خیال اس وقت آیا لاک ڈاؤن کی وجہ سے لوگ اختصار کے ساتھ گھروں میں ہی شادی کی تقاریب منعقد کررہے ہیں۔ اسی دوران میری دکان پر ایک شخص آیا اور کہا کہ اس کے گھر میں شادی ہے اس موقع پر دلہا دلہن کو دینے کیلئے ایک انوکھا ماسک تیار کیا جائے۔اس کے بعد ہم نے ہیروں کا ماسک تیار کیا۔ ان ماسک میں سونے کے ساتھ اصلی ہیرے اور امریکی ہیرے استعمال کئے گئے ہیں۔ کچھ دن قبل پونہ کے شہر میں ایک شخص نے تقریبا تین لاکھ روپیو ں کا سونے ماسک تیار کروایا تھا۔

Leave a Reply

TOPPOPULARRECENT