’ اینیمل کوبہترین فلم کا اعزاز‘ ابوظہبی میں آئیفا ایوارڈ شو کا دوسرا دن بالی ووڈ ستاروں کے نام
ابوظہبی : بالی ووڈ کے کنگ خان شاہ رخ خان اور اداکارہ رانی مکرجی کو بہترین اداکار اور بہترین اداکارہ کا انٹرنیشنل انڈین فلم اکیڈمی ایوارڈ (آئیفا) دیا گیا۔ ابوظہبی میں تین روزہ آئیفا ایوارڈ شو کا دوسرا دن بالی ووڈ ستاروں کے نام رہا۔ بہترین اداکار کا ایوارڈ شاہ رخ خان کو فلم جوان جبکہ بہترین اداکارہ کا ایوارڈ رانی مکرجی کو فلم مسز چٹرجی ورسز ناروے کیلئے دیا گیا۔ بہترین فلم کا ایوارڈ فلم اینیمل کو دیا گیا۔ ودھو ونود چوپڑا کو فلم 12ویں فیل کیلئے بہترین ہدایت کاری کا ایوارڈ ملا۔ بہترین معاون اداکار کا ایوارڈ انل کپور کو فلم اینیمل کیلئے دیا گیا جبکہ شبانہ اعظمی کو فلم راکی اور رانی کی پریم کہانی کیلئے بہترین معاون اداکارہ کا ایوارڈ دیا گیا۔ بوبی دیول کو فلم اینیمل کیلئے بہترین اداکار (منفی کردار) کا ایوارڈ ملا۔ بہترین کہانی، راکی اور رانی کی پریم کہانی، بہترین موسیقی فلم اینیمل، بہترین گیت، سدھارتھ گریما (اینیمل کا گانا سترنگا)، بہترین پلے بیک سنگر بھوپندر ببل، گانا ارجن ویلی فلم اینیمل، بہترین پلے بیک سنگر (خواتین) شلپا راؤ، چلے یا فلم جوان کیلئے دیاگیا۔
آؤٹ اسٹینڈنگ کانٹریبیوشن ٹو انڈین سینما، جینتی لال گڈا، ہیما مالنی، اچیومنٹ آن کمپلیٹنگ 25 ایئرزان سینما کا ایوارڈ کرن جوہر کو دیا گیا۔اس تقریب میں بالی ووڈ کی کئی بڑی شخصیات نے شرکت کی۔ ہیما مالنی، ریکھا، شاہ رخ خان، رانی مکھرجی، انل کپور، بوبی دیول، وکی کوشل، شاہد کپور اور کریتی سینن جیسے ستاروں نے اس تقریب میں شرکت کی۔ تقریب کی ایک خاص بات شاہ رخ خان تھے جنہوں نے نہ صرف تقریب کی میزبانی کی بلکہ اپنے منفرد انداز سے حاضرین کو محظوظ بھی کیا۔ اسٹیج پر ان کے ساتھ وکی کوشل اور کرن جوہر بھی نظر آئے۔ اس کے علاوہ انہوں نے ‘جھومے جو پٹھان’ پر شاندار رقص پیش کر کے لوگوں کا دل جیت لیا۔ آئیفا ایوارڈ نائٹ میں ریکھا، اننیا پانڈے، جھانوی کپور، شاہد کپور اور پربھودیوا سمیت کئی ستاروں نے اپنے ڈانس سے محفل میں چارچاند لگادئے۔قابل ذکر ہے کہ تین روزہ فیسٹیول کا آغاز 27 ستمبر کو آئیفا اتسوم کے ساتھ ہوا تھا جو جنوبی فلم صنعت ‘ تامل، تلگو، ملیالم اور کنڑ کیلئے وقف ایک پروگرام ہے۔ آئیفا 2024 کا اختتام 29 ستمبر کو آئیفا راکس کے ساتھ ہوا۔ اس پروگرام میں ہنی سنگھ، شنکر۔احسان۔لوئے جیسے تجربہ کار فنکاروں نے شناظرین کیلئے لائیو پرفارم کیا۔