نئی دہلی : بین الاقوامی سطح پر خام تیل کی قیمتوں میں اتار چڑھاؤ کے درمیان، ملک میں تیل کی مارکیٹنگ کمپنیوں نے جمعرات کو پٹرول اور ڈیزل کی قیمتوں میں کوئی تبدیلی نہیں کی۔بین الاقوامی مارکیٹ میں آج لندن برینٹ کروڈ 0.69 فیصد کمی کے ساتھ 106.18 ڈالر فی بیرل اور یو ایس کروڈ 0.89 فیصد کمی کے ساتھ 98.99 ڈالر فی بیرل پر ٹریڈ کر رہا ہے ۔ملک کی سب سے بڑی پبلک سیکٹر آئل مارکیٹنگ کمپنی انڈین آئل کارپوریشن (آئی او سی ایل) کے مطابق آج دہلی میں پٹرول 96.72 روپے اور ڈیزل 89.62 روپے فی لیٹر فروخت ہو رہا ہے ۔ ممبئی میں پٹرول اور ڈیزل کی قیمت بالترتیب 106.31 روپے فی لیٹر اور 94.27 روپے فی لیٹر ہے ۔
