ظہیرآباد،/12( سیاست ڈسٹرکٹ نیوز) ظہیرآباد وارڈ نمبر 27 میں واقع پولنگ اسٹیشن نمبر 174 پر جاری خصوصی جامع نظرثانی (SIR) عمل کا ظہیرآباد کے آر ڈی او دیوجا نے ہفتہ کے روز معائنہ کیا۔ اس موقع پر انہوں نے پولنگ اسٹیشن پر جاری ووٹر لسٹ کی نظرثانی کے عمل کا باریک بینی سے جائزہ لیا اور وہاں موجود افسران و عملے سے تفصیلات حاصل کیں۔ انہوں نے ہدایت دی کہ درخواستوں کو قواعد کے مطابق قبول کیا جائے اور کسی بھی قسم کی غلطیوں کی گنجائش نہ چھوڑتے ہوئے اس عمل کو شفاف طریقے سے انجام دیا جائے۔ مزید برآں، عوام کو ضروری معلومات فراہم کرتے ہوئے درخواستوں کو جلد از جلد نمٹانے کے لیے اقدامات کرنے کی بھی متعلقہ عملے کو ہدایت دی۔ اس پروگرام میں وارڈ نمبر 27 کی کونسلر ناما سَرَوَنتی روی کرن، بی ایل او وسیہ پروین، آر پی لکشمی، بی ایل ایز نریش ریڈی، خواجہ اور دیگر افراد نے شرکت کی۔
