اسدالدین اویسی نے ایم سی ڈی انتخابات کے لیے مہم چلائی، کہا- سیاست میں صرف وہی سنا جاتا ہے جس کا نمائندہ منتخب ہوتا ہے

   

نئی دہلی: اے آئی ایم آئی ایم دہلی میونسپل کارپوریشن کے انتخابات میں بھی پوری طاقت لگا رہی ہے۔ پارٹی کے صدر اسد الدین اویسی آج راجدھانی میں مسلم اکثریتی علاقوں میں 6 جلسے کر رہے ہیں۔ انتخابی مہم کے دوران یہاں لوگوں سے ووٹ ڈالنے کی اپیل کرتے ہوئے اویسی نے کہا کہ ہندوستانی سیاست میں صرف ان کی بات سنی جاتی ہے، جن کے نمائندے منتخب ہوتے ہیں۔ نعرے بازی اور مظاہروں سے مسئلہ حل نہیں ہوگا۔ ووٹ کا صحیح استعمال کرکے مجلس کو مضبوط کریں اویسی نے کہا کہ جس علاقے میں مسلمان، دلت اور آدیواسی رہتے ہیں وہاں ترقی نہیں ہو رہی ہے۔ یہ ترقی اس لیے نہیں ہوئی کیونکہ یہاں مسلمان اور دلت رہتے ہیں۔ یہ تینوں جماعتیں کبھی نہیں چاہیں گی کہ نچلی سطح کے لوگ سیاسی رہنما بنیں۔ آپ نے برسوں کانگریس کو ووٹ دیا، پھر عام آدمی پارٹی کو ووٹ دیا، لیکن سوچئے کہ آپ کو کیا ملا؟ آپ کی قیادت کہاں ہے؟ آپ عام آدمی پارٹی کو جتواتے ہیں، لیکن وہ ایم ایل اے گونگے ہو جاتے ہیں۔