بیروت : اسرائیل نے لبنان کے دارالحکومت بیروت پر فضائی حملوں میں 20 افراد کو ہلاک کر دیا۔اسرائیل نے لبنان پر ایک دن میں 78 فضائی حملے کیے۔بیروت کے جنوب میں برجا قصبے کی عمارتیں اسرائیلی حملوں کا نشانہ بنیں جس میں ایک عمارت کی مکمل تباہی کے نتیجے میں 20 افراد جاں بحق ہو گئے۔اسرائیل نے صیدا، صور اور بنت جبیل شہروں پر بھی بمباری کی۔حزب اللہ اسرائیلی فوج کو جوابی کارروائی کر رہی ہے جبکہ جھڑپوں کے نتیجے میں اسرائیلی عناصر کو کچھ مقامات سے پس قدمی بھی کرنا پڑی۔انٹرنیشنل ریڈ کراس اور ریڈ کریسنٹ سوسائٹیز فیڈریشن نے اسرائیلی حملوں کی زد میں آنے والے لبنان کے لیے ہنگامی امدادی مہم شروع کی ہے۔
