تل ابیب : اسرائیل کا مذاکراتی وفد، مصر کے دارالحکومت قاہرہ میں منعقدہ ‘فائر بندی و قیدی تبادلہ مذاکرات’ میں فلاڈیلفی کوریڈور کے بارے میں حماس کے ساتھ کوئی سمجھوتہ کئے بغیر، اسرائیل واپس لوٹ گیا ہے۔اسرائیل ذرائع ابلاغ کے مطابق مذاکرات میں فلا ڈیلفی کوریڈور کے موضوع پر کوئی نتیجہ حاصل نہیں ہو سکا اور اسرائیل کے وزیر اعظم بنجامن نیتن یاہو نے کہا ہے کہ ہم اس معاملے میں کوئی چھْوٹ دینے پر تیار نہیں ہیں۔خبروں میں کہا گیا ہے کہ اسرائیل اپنی افواج کو فلاڈیلفی کوریڈور میں رکھنا چاہتا ہے لیکن مصری اور فلسطینی، اسرائیلی فوج کے علاقے سے، مکمل انخلاء پر مْصر ہیں۔دوسری طرف مصر ذرائع ابلاغ نے اسرائیلی ذرائع ابلاغ کے دعووں کی تردید کی اور کہا ہے کہ قاہرہ انتظامیہ کے فلاڈیلفی کوریڈور میں اسرائیل مسلح افواج کی موجودگی کو قبول کرنے سے متعلق، دعوے بے بنیاد ہیں۔واضح رہے کہ غزّہ کی پٹّی میں فائر بندی اور قیدیوں کے تبادلے کیلئے قطر کے دارالحکومت دوحہ میں 15 تا 16 اگست کو اسرائیل اور فلسطین تحریک مزاحمت ‘حماس’ کے درمیان مذاکرات ہوئے تھے۔
اسرائیلی فوج کی اپنے ہی فوجیوں پر بمباری
غزہ : اسرائیلی فوج نے اپنے ہی فوجیوں پر بم برسا دیئے۔اسرائیل مسلح افواج کے جاری کردہ بیان کے مطابق کل صبح کے وقت غزہ پٹّی کے علاقے خان یونس پر فضائی حملہ کیا گیا ہے۔ تکنیکی غلطی کے باعث ایک بم ایسی عمارت پر گرا ہے جس میں اسرائیلی فوجی موجود تھے۔واقعہ میں ایک اسرائیلی فوجی ہلاک اور 6 زخمی ہو گئے ہیں۔ زخمیوں میں سے 3 کی حالت نازک ہے۔