بیلفاسٹ۔ جارج ڈوکریل کی قیادت میں آئرلینڈ نے بارش سے متاثرہ فیصلہ کن ٹی 20 انٹرنیشنل میں فتح دلائی اور فاتح ٹیم نے افغانستان کے خلاف پانچ میچوں کی سیریز 3-2 سے جیت لی۔ڈوکریل نے گھریلو ٹیم کے لیے فیصلہ کن مظاہرہ کیااور آئرلینڈ نے سات وکٹوں سے جیت درج کی۔ بارش کی وجہ سے آئرلینڈ کو جیت کے لیے سات اوورز میں 56 رنزکا ہدف ملا جو اس نے دو گیندیں باقی رہ کر حاصل کر لیا۔آئرلینڈ نے ٹاس جیت کر افغانستان کو بیٹنگ کی دعوت دینے کے بعد اچھی شروعات کی۔ مارک ایڈیئر نے ٹیم کے اپنے پہلے اور دوسرے اوورز میں اوپنرز حضرت اللہ زازئی اور رحمان اللہ گربازکو پویلین بھیجا۔اڈیر نے ابراہیم زدران کو بھی آؤٹ کیا اور 16 رنز کے عوض تین وکٹیں حاصل کیں۔ ان جھٹکوں کی وجہ سے مہمان ٹیم کا اسکور چار اوورز میں تین وکٹوں پر 26 رنز تھا۔ عثمان غنی نے ناقابل شکست 44 رنز بنا کر ٹیم کو سنبھالا دیا لیکن دوسرے سرے پر نجیب اللہ زدران (10) اور محمد نبی کیچ ہو گئے۔ بارش کی وجہ سے افغانستان نے 15 اوورز میں پانچ وکٹ پر95 رنز بنائے۔جوابی اننگز میں اوپنر پال اسٹرلنگ (16 رنز) کو ٹی ٹوئنٹی انٹرنیشنل میں 3000 رنز بنانے کے لیے صرف پانچ رنز درکار تھے اور انہوں نے اسے تین گیندوں میں مکمل کیا۔ لوکران ٹکر 14 رنز بنا کر راشد خان کے ہاتھوں آؤٹ ہوئے۔اس کے بعد ہیری ٹییکٹر اور ڈوکریل نے ٹیم کو کامیابی کیلئے درکار رنز بنالئے ۔
