9231 جائیدادوں پر تقررات کیلئے 17 اپریل سے درخواستوں کا ادخال
حیدرآباد۔11۔اپریل (سیاست نیوز) ریسیڈینشل تعلیمی اداروں میں تدریسی جائیدادوں پر تقررات کیلئے بورڈ نے ون ٹائم رجسٹریشن (او ٹی آر) کی تشکیل مکمل کرلی ہے ۔ او ٹی آر رجسٹریشن کے ذریعہ موصول ہونے والے نمبر کے ساتھ نوٹیفکیشن کے مطابق اہل جائیدادوں پر براہ راست درخواست دینے کا موقع فراہم کیا جارہا ہے ۔ گروکل کی جائیدادوں کیلئے او ٹی آر کی سہولت 12 اپریل سے دستیاب ہوگی ۔ اس سلسلہ میں گروکل اپائنٹنگ بورڈ نے کامیابی کے ساتھ جانے کا عمل مکمل کرلیا ہے اور تکنیکی غلطیوں سے بچنے کیلئے تمام انتظامات کئے ہیں۔ بورڈ نے ریسیڈینشل تعلیمی اداروں میں 9231 مختلف اقسام کی جائیدادوں پر تقررات کیلئے 9 نوٹیفکیشن جاری کیا ہے ۔ ان جائیدادوں پر تقررات کیلئے 17 اپریل سے درخواستوں کا عمل شروع ہوگا ۔ صرف او ٹی آر کا اندراج کرنے پر ہی جائیدادوں کیلئے درخواست داخل کرنے کے اہل ہوں گے ۔ اس پس منظر میں گروکل بورڈ کے ذرائع نے بتایا کہ امیدواروں کو زیادہ وقت کا انتظار کئے بغیر او ٹی آر کا اندراج فوری طور پر مکمل کرنے کا مشورہ دیا ۔ تدریسی اہلیت کے حامل امیدوار اپنی ڈگری اور پی جی کورسیس کے مطابق ایک سے زیادہ جائیدادوں پر تعلیم دینے کے اہل ہیں ۔ اس پس منظر میں ہر جائیداد کیلئے درخواست دینے کیلئے ذاتی تفصیلات درج کرنے اور غلطیاں ہونے کی صورت میں بورڈ آفس کا دورہ کرنے جیسے مسائل پر قابو پانے کیلئے بورڈ نے درخواست کے عمل کو آسان بنانے کیلئے OTR سسٹم کو نافذ کیا ہے ۔ او ٹی آر میں رجسٹر ہونے کے بعد کوئی بھی رجسٹریشن نمبر کے ساتھ تعلیمی قابلیت کے مطابق بورڈ کی جانب سے جاری کردہ نوٹیفکیشن میں براہ راست مضمون کے مطابق درخواست دے سکتا ہے ۔ بورڈ نے پہلے ہی واضح کردیا کہ امتحانی فیس میں کوئی اضافہ نہیں کیا جائے گا ۔ ماضی میں جائیدادوں کے لئے نوٹیفکیشن کی اجرائی کے دوران ایس سی ، ایس ٹی اور بی سی امیدواروں کیلئے درخواست کی فیس 1200 اور 600 روپئے مقرر کی گئی تھی ۔ ہر امیدوار 2 یا اس سے زیادہ جائیدادوں کیلئے اہل ہیں، اس حساب میں امیدوار کو امتحانی فیس کے تحت بھاری رقم ادا کرنی پڑتی ہے ۔ دو ٹی جی ٹی جائیدادوں کیلئے درخواست داخل کرنے کیلئے عام امیدواروں کو 2,400 روپئے تک اور محفوظ امیدواروں کیلئے 1200 روپئے ادا کرنے ہوں گے ۔ ن
