بغداد : عراقی وزیر اعظم محمد شیعہ السودانی نے سفارتی مشنوں کے تحفظ کیلئے اپنی حکومت کے عزم کو دہرایا ہے اور امریکہ کو انتباہ دیا کہ عراق کی منظوری کے بغیر امریکی سفارت خانے پر حملے کا کوئی یکطرفہ جواب نہیں دینا چاہیے ۔عراقی وزیر اعظم کے میڈیا آفس سے جاری ہونے والے ایک بیان میں کہا گیا ہے کہ انہوں نے جمعہ کی رات امریکی وزیر دفاع لائیڈ آسٹن کے ساتھ ایک فون کال میں دن میں امریکی سفارت خانے کے قریب ہونے والے راکٹ حملے سمیت سیکیورٹی کے امور پر یہ تبصرہ کیا۔
بیان میں کہا گیا ہے کہ السودانی نے عراق میں سفارتی مشنوں، بین الاقوامی اتحادی مشن کے اہلکاروں اور ان کی سہولیات کی حفاظت کے لیے حکومت کے عزم پر زور دیا، ساتھ ہی عراقی حکومت کی منظوری کے بغیر براہ راست ردعمل کے خلاف خبر دار بھی کیا۔
’’ بیان کے مطابق آسٹن نے اپنی طرف سے عراقی حکومت کی مذمت اور مجرموں کو انصاف کو پکڑنے کے اقدامات کا خیرمقدم کیا اور اس بات پر زور دیا کہ اس طرح کے اقدامات سے عراق کی داخلی سلامتی کو خطرہ ہے ۔جمعہ کی صبح وسطی بغداد کے گرین زون میں واقع امریکی سفارت خانے پر راکٹوںسے حملہ ہوا تھا۔