حیدرآباد ۔ اللو ارجنکی آنے والی نئی فلم پشپا 2 سب سے زیادہ متوقع فلموں میں شامل ہے۔ پہلے حصے کی شاندار کامیابی کے بعد پرستار پشپاراج اور ان کے کاروبار کے بارے میں مزید جاننے کے لیے بے صبری سے انتظار کر رہے ہیں۔ اللو ارجن کی سالگرہ پر ایک تشہیری ویڈیو جاری کیا گیا تھا جس پر شائقین اپنے جوش کو روک نہیں سکے لیکن ایک طویل انتظار ہے کیونکہ پشپا2 اگلے سال اگست کے مہینے میں ہی سینما گھروں کی زینت بنے گی۔ فلم بندی جاری ہے اور فلم کے بارے میں تازی ترین خبریں آتی جارہی ہیں۔ فلم کے بارے میں تازہ ترین خبروں سے پتہ چلتا ہے کہ فلم بنانے والوں نے پشپا 2 میں رنبیر کپورکی فلم انیمیل کی وجہ سے تبدیلی کا فیصلہ کیا ہے۔ یہاں اس بات کا تذکرہ بھی اہم ہے کہ انیمیل نے باکس آفس پر بھلے ہی اچھی کمائی کی ہے لیکن اس میں موجود تشدد پر عوام نے ناراضگی کا اظہار کیا ہے جس کے بعد اب پشپا 2 میں بھی تبدیلی کا فیصلہ کیا جارہا ہے۔ افواہیں سنائی دے رہی ہیں کہ ہدایت کار سوکمار نے پشپا 2: دی رول میں تشدد کوکم کرنے کے لیے کچھ تبدیلیاں لائی ہیں۔ یہ رنبیرکپور کی فلم اینیمل کے ہدایت کار سندیپ ریڈی وانگا کے تشدد کے شدید مناظر کے لیے سوشل میڈیا پر شدید ردعمل کے بعد ہے کہ پشپا 2 کو بہتر کرنے کا فیصلہ کیا۔ کہا جا رہا ہے کہ پشپا 2 کے پلاٹ اور رفتار میں کچھ تبدیلیاں آئی ہیں۔ تاہم ابھی تک اس بارے میں کوئی تصدیق نہیں ہو سکی ہے۔ نہ ہی پروڈکشن ہاؤس یا اسٹارکاسٹ نے ابھی تک اس پرکوئی تبصرہ کیا ہے۔ انیمیل اس تشدد کا ایک بڑا موضوع بن گیا ہے کہ فلم میں تشدد اور جذبات کو کس طرح پیش کیا گیا ہے ۔ایک اور رپورٹ کے مطابق ہدایت کار سوکمار انیمیل کو دیکھنے کے بعد پشپا2 میں رشمیکا مندنا کے لیے مزید مناظر شامل کرنے کا منصوبہ بنا رہے ہیں۔ ایسا لگتا ہے کہ وہ انیمیل میں ان کی کارکردگی سے بہت متاثر ہے اور اس طرح وہ ہیروئین کیکردارکو مزید متاثر بنانے کا ارادہ رکھتے ہیں۔ ایک بار پھر اس پرکوئی تصدیق نہیں ہے۔ پشپا 2 میں فہد فاصل بھی اہم کردار میں ہیں۔ وہ ایس پی بنور سنگھ کا کردار ادا کر رہے ہیں۔ یہ ان کے اور پشپا راج کے درمیان جنگ ہے جوپشپا فلم کی کہانی کو پورا کرے گی۔ فلم کے ارد گرد بہت زیادہ مقبولیت ہے اور شائقین امید کر رہے ہیں کہ فلم اپنی توقعات پر پورا اترے گی۔
