سڈنی۔ عثمان خواجہ اور جھئے رچرڈسن دونوں کی آسٹریلیائی ٹیم میں واپسی ہوئی ہے جیساکہ آسٹریلیا نے 8 دسمبر کو گابا میں شروع ہونے والے اس موسم گرما کے ایشز کے پہلے دو ٹسٹ میچوں کے لیے کپتان ٹم پین کی قیادت میں 15 رکنی اسکواڈ کا اعلان کیا ہے۔ کرکٹ آسٹریلیا (سی اے) نے ایک توسیعی کھلاڑیوں کی فہرست کا بھی اعلان کیا جس سے انگلش لائنز کے خلاف ٹور میچ کے لیے آسٹریلیا اے ٹیم کا انتخاب کیا جائے گا۔گزشتہ موسم گرما میں بارڈر۔گواسکر مہم کے بعد آسٹریلیا کی پہلی ٹسٹ سیریز ہوگی کیونکہ ماضی کی اس ٹسٹ سیریز میں وہ ڈرامائی طور پر ہندوستان سے 2-1 سے ہار گئے تھے۔ مچل مارش جنہوں نے آسٹریلیا کو یو اے ای میں نیوزی لینڈ کو شکست دے کر پہلا آئی سی سی ٹی ٹوئنٹی ورلڈ کپ خطاب دلوانے میں کلیدی رول ادا کیا تھا انہیں ٹیم میں شامل نہیں کیا گیا ہے۔ پہلے دو ٹسٹ میچوں کے لیے ٹیم میں جگہ نہیں ملی، حالانکہ وہ اضافی آسٹریلیا اے کھلاڑیوں کی فہرست میں شامل ہیں۔ خواجہ، آسٹریلیا کے 2019 کے دورہ انگلینڈ میں ٹیم کا حصہ تھے اور اب وہ پلیئنگ الیون میں ٹریوس ہیڈ کے خلاف مڈل آرڈر میں انتخاب کے لیے مقابلہ کریں گے، ان کے ساتھ آنے والے مارنس لیبوشگن، اسٹیو اسمتھ اور کیمرون گرین ممکنہ طور پر شروعات کرنے والے نظر آتے ہیں۔ کرکٹ آسٹریلیا کے سلیکٹرز کے چیئرمین جارج بیلی نے اشارہ دیا ہے کہ مارکس ہیرس ، ڈیوڈ وارنر کے ساتھ بیٹنگ کا آغاز کریں گے اور موجودہ اپنی جگہ برقرار رکھیں گے۔انگلینڈ کے خاف ابتدائی دو ٹسٹ مقابلوں کیلئے آسٹریلیا کا سکواڈ: ٹم پین کپتان، پیٹ کمنز نائب کپتان، کیمرون گرین، مارکس ہیرس، جوش ہیزل ووڈ، ٹریوس ہیڈ، عثمان خواجہ، مارنس لیبوشین، نیتھن لیون، مائیکل نیسر، جھائی رچرڈسن، اسٹیوا سمتھ، مچل سٹارک، مچل سویپسن ، ڈیوڈ وارنر۔ اضافی آسٹریلیا اے کھلاڑی: شان ایبٹ، ایشٹن اگر،ا سکاٹ بولانڈ، ایلکس کیری، ہنری ہنٹ، جوش انگلیس، نک میڈنسن، مچل مارش، میٹ رینشا، مارک سٹیکیٹی اور برائس اسٹریٹ۔
