حیدرآباد 16اپریل (یو این آئی) تلنگانہ کے اضلاع پداپلی، جئے شنکربھوپال پلی، مُلگ،کھمم، نلگنڈہ، بھدرادری کوتہ گوڑم،سوریاپیٹ اور محبوب آباد میں بعض مقامات پر چہارشنبہ کو گرمی کی لہر کی برقراری کا امکان ہے ۔محکمہ موسمیات نے کہا کہ جمعرات کومنچریال، نرمل، کریم نگر، پداپلی، جئے شنکربھوپال پلی، مُلگ، کھمم، نلگنڈہ، ورنگل، ہنمکنڈہ، ناگرکرنول، بھدرادری کوتہ گوڑم، سوریا پیٹ اور محبوب آباد میں اسی طرح کی صورتحال کا امکان ہے ۔آئندہ دو دنوں میںاعظم ترین درجہ حرارت میں دو تا تین ڈگری بتدریج اضافہ کا امکان ہے ۔ اعظم ترین درجہ حرارت 42.2ڈگری سلسیس بھدراچلم میں درج کیاگیا۔
