چنڈی گڑھ: کانگریس کے سینئر لیڈر بھوپندر سنگھ ہڈا نے جمعہ کو الزام لگایا کہ بی جے پی نے ہریانہ کو منشیات کا مرکز بنا دیا ہے اور گزشتہ پانچ سالوں میں 15 لاکھ لوگ منشیات سے علاج کے لیے اسپتالوں میں گئے ہیں۔یہاں جاری ایک بیان میں مسٹر ہڈا نے کہا کہ جب سے ریاست میں بی جے پی کی حکومت آئی ہے ، منشیات فروشوں کی بھرمار ہوگئی ہے اور انہوں نے بغیر کسی خوف کے ریاست بھر میں اپنا نیٹ ورک پھیلادیا ہے ۔ آج منشیات کی لت ریاست کے ہر گاؤں، گلی اور محلے تک پہنچ چکی ہے ۔سابق وزیر اعلیٰ نے کہا کہ یہ رپورٹ راجیہ سبھا میں خود مرکزی وزارت سماجی انصاف اور بااختیار بنانے نے دسمبر 2023 میں پیش کی تھی۔ اس کے مطابق ہریانہ میں منشیات کے عادی افراد میں سے 16.51 فیصد افیون اور اس سے بنی نشیلی اشیاء حتیٰ کہ ہیروئن اور چٹا کا استعمال کرتے ہیں۔
