رانچی۔ مرکزی زراعت اور دیہی ترقی کے وزیر اور جھارکھنڈ بی جے پی کے انتخابی انچارج شیوراج سنگھ چوہان نے جمعرات کو یقین ظاہرکیا کہ بی جے پی کی قیادت والی قومی جمہوری اتحاد (این ڈی اے) ریاست میں اگلی حکومت بنائے گی۔ نئی دہلی روانہ ہونے سے قبل میڈیا سے خطاب کرتے ہوئے چوہان نے انتخابی مہم کے دوران عوام کی جانب سے ملنے والی زبردست حمایت کے بارے میں بات کی، جس کا سہرا وزیر اعظم نریندر مودی کی قیادت کو ووٹروں میں اعتماد پیدا کرنے کا ہے۔انہوں نے کہا،23 نومبرکو آنے والے نتائج کے تناظر میں اعتماد کے ساتھ کہہ سکتا ہوں کہ ہماری حکومت قائم ہوگی، جو اچھی حکمرانی کے ایک نئے دور کا آغاز کرے گی۔
