کرناٹک میں حجاب پر پابندی کے مطالبات کے درمیان ایک ویڈیو سوشیل میڈیا پر گشت کررہاہے جس میں کرناٹک کے میدکیری ضلع کے مقامی وشواہندو پریشد(وی ایچ پی) او ربجرنگ دل لیڈران دائیں بازو نوجوانوں کے ایک گروپ کوکالجوں میں کی جانے والی کاروائی کے متعلق ہدایتیں دے رہے ہیں۔
ان میں مذکورہ نوجوانوں کو ہدایتیں دیتا دیکھائی دے رہاہے جو میں وہ کرناٹک چیف منسٹر بسواج بومائی اور ریاست کے ہوم منسٹر کی جانب سے اسلام او رمسلمانوں کے متعلق دئے گئے احکامات کے ضمن میں ہیں۔
یہ لوگ نامی ایک ٹوئٹر ہینڈل پر یہ ویڈیو شیئر کیاگیا ”وی ایچ پی /بجرنگ دل قائدین مدیکری میں شالیں سپلائی کررہے ہیں اور اسٹوڈنٹس کو کیاکرنا ہے وہ ہدایتیں دے رہے ہیں۔
دلچسپ بات ان بیانات میں یہ ہے کہ اوپر سے چیف منسٹراور ہوم منسٹر کی خود کو حمایت حاصل ہونے کی بات کااظہار کررہے ہیں“۔
وہ شخص وشواہندو پریشد اور بجرنگ دل کے تعاون کا یقین دلاتے ہوئے کہہ رہا ہے کہ ”تمہیں وشواہند و پریشد اور بجرنگ دل سے پوری مدد ملے گی“۔ آخر میں وہ ان نوجوانوں کویہ ہدایت دیتا سنائی دے رہا ہے کہ صبح 9بجے مقررہ مقام پر ہم سب کو اکٹھا ہونا ہے۔
حجاب پر بات چیت
نوجوان سے خطاب کرنے والا وہ شخص یہ کہہ رہا ہے کہ ہوم منسٹر او رچیف منسٹر نے ایک آرڈر دیاہے”جو وہ (موافق حجاب مظاہرین) کررہے ہیں وہ غلط ہے“ ایسا وہ شخص کہہ رہا ہے۔
اس نے مزیدکہاکہ”یہاں پر ایک قانون ہے اور چیزیں قانون کے مطابق ہوں گے“۔ پھر وہ کہتا ہے کہ ”لوگ قانون کے خلاف نہیں جاسکتے‘ یہ پاکستان نہیں ہے“۔
دوسرا لیڈر کہتا سنائی دے رہا ہے ”وقت آنے پر ان کے خلاف آپ تمام کو کھڑا ہونا ہے‘ ہم تمہارے ساتھ کھڑے ہیں“۔ بجرنگ دل او روی ایچ پی کی جانب سے حمایت کا دوبارہ اس نے یقین دلایا۔تیسرا لیڈر نوجوانوں سے کہہ رہا ہے کہ وہ اپنے دوستوں میں یہ بات پھیلا دیں کہ آتے وقت اپنے ساتھ دو لوگوں کو لائیں۔
ان سے لڑکیوں کو ساتھ لے کر آنے کا استفسار کیاگیا۔ مذکورہ لیڈر نے کہاکہ ”لڑکیوں سے بھگوا شال اوڑھنے کا استفسار کریں“۔ اس نے مزیدکہاکہ ”لہذا‘ آج پرنسپل نے ہمارے ساتھ تعاون کرنے کا بھروسہ دلایاہے“۔