حیدرآباد۔ سن رائزرس حیدرآباد جمعرات کو یہاں آئی پی ایل کے اپنے گھریلو مقابلے میں جب دونوں ٹیمیں آمنے سامنے ہوں گی تو رائل چیلنجرز بنگلورو جدوجہد کرنے والی اپنی بیٹنگ کی طاقت کو ظاہر کرنے کی کوشش کرے گی۔ تیز رفتار سن رائزرس حیدرآبادکی نظریں جدول میں سب سے نیچے موجود آر سی بی کے خلاف ایک اور رن فیسٹیول پر ہیں۔ رواں آئی پی ایل ایڈیشن میں ہی تین بار250 رن کے نشان کے عبورکرنے کے بعد سن رائزرس حیدرآباد اپنے بغیر کسی روک ٹوک کے ٹی20 بیٹنگ کی حدود کو نئے سرحد دی چکی ہے ۔جب کہ ممبئی انڈینز اس سیزن میں حیدرآبادکی نئی بیٹنگ طاقت کا پہلا شکار تھا، آر سی بی کو سب سے زیادہ نقصان اس وقت پہنچا جب ٹریوس ہیڈکی قیادت والی بیٹنگ آئی پی ایل کے اب تک کے سب سے زیادہ اسکور کو287/3 بنگلور میں حاصل کیا۔ اگر یہ کافی نہیں تھا تو دہلی کیپٹلزکے خلاف ایس آر ایچ کا قتل عام درج ہوا جس میں پاور پلے میں 125/0 کا ریکارڈ شامل ہوا اور اس نے آئی پی ایل میں پہلی بار 300 رنزکے نشان کو عبور کرنے کے امکانات کو سامنے لایا ہے ۔ دریں اثناء یہ حیرت کی بات نہیں ہوگی کہ اگر حیدرآباد ناقابل تصور اسکور حاصل کرتا ہے اور وہ بھی آرسی بی کی کمزور بولنگ کے خلاف یہ اور بھی آسان محسوس ہوتا ہے، جس کی بولنگ کے شعبے میں جدوجہد کا اندازہ اس حقیقت سے لگایا جاسکتا ہے کہ ان کے بہترین بولر یش دیال24 ویں نمبر پر ہیں۔ سات وکٹوں کے ساتھ مجموعی فہرست میں وہ اس جگہ پر ہیں۔پول کے نچلے حصے میں، آرسی بی نے اپنے آخری پانچ میچوں میں کم ازکم 180 کے اسکورکو برداشت کیا ہے۔ پچھلے دو گیمز میں مخالفین نے 200 سے زیادہ کا اسکور بنایا ہے۔ آر سی بی کے بیٹروں نے بولنگ میں اپنی شدید کوتاہیوں کو پوراکرنے کے لیے سخت محنت کی ہے، لیکن توازن کے معاملے میں اس طرح کی ایک طرفہ ٹیم کے لیے آل راؤنڈ کارکردگی پیش کرنا تقریباً ناممکن نظرآتا ہے۔ آرسی بی نے بیٹنگ میں ناقابل یقین حد تک سخت مقابلہ کیا لیکن بدقسمتی سے کولکتہ نائٹ رائیڈرز کے خلاف 222/6 کو تسلیم کرنے کے بعد صرف ایک رن سے ہارگئی۔ اس کے علاوہ ایک اجتماعی بیٹنگ کی کوشش نے آرسی بی انتظامیہ کوکافی حد تک خوش کیا ہوگا۔ وہ ایک متنازعہ فیصلہ کا شکار ہوئے ویراٹ کوہلی اب تک ٹورنمنٹ میں ٹیم کے بہترین بیٹر رہے، انہوں نے اورنج کیپ کو اپنے قبضے میں رکھنے کے لیے 379 رنز بنائے لیکن اس کے پیچھے حیدرآباد کے ہیڈ سمیت چند دوسرے بیٹر ہیں، جو اپنے زیادہ تر بہترین فام میں موجود ہیں۔ ہیڈ کا گیم نہ صرف جارحانہ ہے بلکہ ہر موقع کو حاصل کرنے کی صلاحیت پر مزین ہے، وہ بیٹنگ میں رنز بناتے وقت کی اپنی مرضی سے جگہ تلاش کرنے کی صلاحیت سے کافی متاثر کرچکے ہیں۔ ابھیشیک شرما نے ہیڈ کی صحبت میں خوب ترقی کی ہے اور ہینرک کلاسن نے بھی اس سیزن میں بلے سے خوب لطف اٹھایا ہے۔ مجموعی طور پر بیٹ کے ساتھ حیدرآباد کے زبردست مظاہروں نے ان کے بولروں اورکپتان پیٹ کمنزکا کام آسان بنا دیا ہے۔ حیدرآباد سات میچوں میں 10 پوائنٹس کے ساتھ ٹیبل میں آرام سے تیسرے مقام پر ہے۔ اگرچہ اب تک کا سفر بیٹروں کی برق رفتار مظاہروں سے ہوا ہے، ایس آر ایچ کو معلوم ہوگا کہ راستے میں ان کی بولنگ کی جانچ کی جائے گی اور کمنزکے کھلاڑی آر سی بی کی جانب سے فراہم کئے جانے والے خطرے کے خلاف اچھی کارکردگی کی اہمیت جانتے ہیں۔
