کلکتہ : ریاستی وزیر جیوتی پریہ ملک بیماری کی وجہ سے جمعرات کوعدالت میں جسمانی طور پر پیش نہیں ہوئے انہیں ورچوئل ذرائع سے عدالت میں پیش کیا گیا۔ سماعت شروع ہوتے ہی جج نے سوال کیا کہ ان کی پریشانی کیا ہے ؟ جیوتی پریہ ملک نے کہا کہ میں بیمار ہوں اور مجھے جینے دیں ۔جج نے ان سے کہا کہ اگر وہ چاہیں تو واپس سیل میں جا سکتے ہیں۔ جج نے کہا کہ انہیں جیل اور عدالتی کارروائیوں سے آگاہ ہونا چاہیے ۔ جیوتی پریہ ملک نے جمعرات کو ضمانت کی درخواست نہیں دی۔جیوتی پریہ ملک کو ای ڈی نے 26 اکتوبر کی آدھی رات کو گرفتار کیا تھا۔اس کے بعد عدالت نے طبیعت ناساز ہونے کے باعث اسپتال بھیجنے کا حکم دیا۔ اسپتال سے نکلنے کے بعد وہ پہلے ای ڈی کی حراست میں اور پھر جیل کی حراست میں ہیں۔ جمعرات کو بیماری کے باعث انہیں عدالت میں پیش نہیں کیا گیا۔ سماعت کے آغاز پر جج نے پوچھا کہ آپ کا مسئلہ کیا ہے ؟ تم کہاں بیٹھے ہو، تمہیں کیا مسئلہ ہے ؟ اگر کوئی مسئلہ ہو تو آپ ہم سے کہہ سکتے ہیں ۔جیوتر ی پریہ ملک نے کہا کہ ہاتھ پاؤں کام نہیں کررہے ۔
