ممبئی : غیر ملکی کرنسی کے اثاثوں، سونے اور خصوصی ڈرائنگ رائٹس میں اضافہ سے 20 ستمبر کو ختم ہوئے ہفتے میں ملک کے غیر ملکی زرمبادلہ کے ذخائر 2.84 بلین ڈالر بڑھ کر 692.3 بلین ڈالر تک پہنچ گئے ۔ گزشتہ ہفتے ملک کے زرمبادلہ کے ذخائر 223 ملین ڈالر اضافے سے 689.5 بلین ڈالر تک پہنچ گئے ۔ جمعہ کو ریزرو بینک کے اعداد و شمار کے مطابق غیر ملکی کرنسی کے اثاثے ، جو کہ غیر ملکی زرمبادلہ کے ذخائر کا سب سے بڑا جزو ہے ، 20 ستمبر کو 2.06 بلین ڈالر بڑھ کر 605.7 بلین ڈالر تک پہنچ گئے ۔ اسی طرح اس عرصے کے دوران سونے کے ذخائر 726 ملین ڈالر کے اضافے سے 63.6 ارب ڈالر تک پہنچ گئے ۔ زیر جائزہ ہفتے میں ایس ڈی آر میں 121 ملین ڈالر کا اضافہ کے بعد 18.5 بلین ڈالر تک پہنچ گیا۔ ساتھ ہی اس عرصے کے دوران انٹرنیشنل مانیٹری فنڈ (آئی ایم ایف) کے پاس ریزرو فنڈ 66 ملین ڈالر کم ہو کر 4.5 بلین ڈالر رہ گیا۔
