دبئی۔ انگلینڈ کی لیگ اسپن آل راؤنڈر سارہ گلین اپنے تین ٹی ٹوئنٹی میچوں کے پہلے میچ میں عمدہ کارکردگی کے بعد آئی سی سی ویمنز ٹی 20 بولروں کی درجہ بندی میں ہم وطن، بائیں ہاتھ کی اسپنر سوفی ایکلسٹون کے قریب پہنچ چکی ہیں۔سارہ اب دوسرے مقام پر ہیں ۔سارہ جس کے کیریئر کے بہترین بولنگ 4/23 نے اپنی ٹیم کو نو وکٹوں سے فتح دلانے میں مدد کی اور اسے پلیئر آف دی میچ کا ایوارڈ جیتا، وہ کیریئر کی بہترین مساوی دوسرے مقام پر پہنچ چکی ہیں اور سوفی سے صرف 13 ریٹنگ پوائنٹس پیچھے ہے۔ وہ ماضی میں بھی کچھ مواقع پر دوسرے نمبر پر رہی ہیں۔انگلینڈ کی نوجوان بیٹر صوفیہ ڈنکلے اور ایلس کیپسی نے بھی سیریزکے پہلے میچ کی نمایاں کامیابیاںکے بعد ترقی کی ہے ۔ صوفیہ کی 44 گیندوں پر ناقابل شکست 61 رنز کی بدولت وہ 13 درجے ترقی کرکے 44 ویں نمبر پر پہنچ گئی ہیں جبکہ ایلس کی 20 گیندوں پر ناٹ آؤٹ 32 رنز کی بدولت وہ 12 درجے ترقی کرکے 52 ویں نمبر پر آگئی ہیں۔ ہندوستان کے لئیفاسٹ بولر رینوکا سنگھ پانچ مقام کی چھلانگ لگا کر 13 ویں نمبر پر ہیں جبکہ آل راؤنڈر دیپتی شرما تین مقامات کی ترقی کے بعد33 ویں نمبر پر ہیں۔
