مورینا: مدھیہ پردیش میں آئندہ اسمبلی انتخابات سے قبل مورینا کے ضلع کلکٹر نے سوشل میڈیا پر اشتعال انگیز پوسٹ کرنے والے سماج دشمن عناصر کے خدشات کے پیش نظر امتناعی احکامات جاری کئے ہیں۔سرکاری ذرائع کے مطابق کلکٹر اور ڈسٹرکٹ مجسٹریٹ انکت استھانہ نے اس سلسلے میں پابندی کے احکامات جاری کیے ہیں۔ہدایت میں کہا گیا ہے کہ کوئی بھی شخص مختلف سوشل میڈیا پلیٹ فارمز جیسے فیس بک، واٹس ایپ، ٹوئٹر، انسٹاگرام وغیرہ کے وسائل کو مذہبی، سماجی، ذات پات کے جذبات بھڑکانے کے لیے استعمال نہیں کرے گا۔ کوئی بھی شخص قابل اعتراض نعرے نہیں لگائے گا، ہسٹیریا پھیلانے والی تقاریر نہیں کرے گا، اشتعال انگیز پمفلٹ چھاپ کر تقسیم کرنا، ایسے پوسٹرز اور بینرز لگائے یا پھاڑ دے جن سے نفرت پھیلانے کا خدشہ ہو، اور نہ ہی دوسروں کو ایسا کرنے کی ترغیب دی جائے ۔ سوشل میڈیا پر مذہبی جذبات، فرقہ وارانہ جذبات اور ذات پات کے جذبات کو بھڑکانے والی کسی بھی پوسٹ کو لائک یا فارورڈ نہیں کریں گے ۔ گروپ میں ایسے پیغامات کو روکنا گروپ ایڈمنسٹریٹر کی ذاتی ذمہ داری ہوگی۔
