دمشق : شام کے جنوبی صوبے درعا میں اتوار کو گھات لگا کر کیے گئے حملے میں ایک پولیس افسر ہلاک اور دو دیگر پولیس اہلکار زخمی ہو گئے ۔وزارت داخلہ نے یہ اطلاع دی۔ وزارت نے کہا کہ مسلح افراد نے ایجرا قصبے کے قریب درعا ہائی وے پر پولیس کی گشتی ٹیم پر حملہ کیا۔ تاہم بیان میں مجرموں کے بارے میں تفصیلات فراہم نہیں کی گئی ہیں لیکن درعا کی صورت حال پر روشنی ڈالی گئی ہے ۔اسی خطہ میں 2011 میں شام کی جنگ شروع ہوئی تھی، مسلح گروہوں کی موجودگی کی وجہ سے عدم استحکام کی صورت حال برقرار ہے جو اکثر سرکاری اداروں کو نشانہ بناتے ہیں۔
