انقرہ : اس اجلاس کا مقصد ثقافتی سرگرمیوں کے ہمراہ ایک عالمی پلیٹ فارم تشکیل دیتے ہوئے اس شعبہ میں پیشہ وارانہ نظام کی بحالی اور قائدانہ صلاحیتوں میں اضافے کی راہیں تلاش کرنا تھا۔ ترک صدارتی شعبہ اطلاعات کے زیر اہتمام عالمی اسٹریٹیجک رابطہ اجلاس اسٹارٹ کام اختتام پذیر ہو گیا۔ استنبول میں منعقدہ غیر یقینی دور میں اسٹریجیک روابط کے زیر عنوان اس جلاس میں دنیا کے چاروں گوشوں سے ماہرین نے شرکت کی۔ صدر اردغان کا ویڈیو پیغام اجلاس میں پیش کیا گیا جس کے بعد افتتاحی تقریب سے صدارتی مشیر اطلاعات فخر الدین آلتون نے خطاب کیا۔ اجلاس میں چوبیس ممالک سے اسٹریٹیجک روابط کے ماہرین، لیڈران، ماہر تعلیم، سرکاری و نجی شعبوں کے نمائندوں سمیت میڈیا حکام پر مشتمل باون مقررین نے اپنے تجربات سے حاضرین کو آگاہ کیا۔ اس اجلاس میں تین ہزار کے قریب ملکی وغیر ملکی شرکا شامل رہے جنہوں نے غلط معلومات اور خبرر سانی کے پھیلاو کو روکنے،عام شہریوں تک رسائی کے حامل روابط کو بڑھانے اور ڈیجیٹل ٹکنالوجی کے بغیر عوامی میل جول جیسے موضوعات پر روشنی ڈالی۔ اجلاس میں روابط اور اطلاعاتی شعبہ سے متعلق ماضی، حال اور مستقبل میں پیش آنے والے حالات سے درپیش مسائل پر ماہرین نے اپنے تجربات پیش کیے۔ اس اجلاس کا مقصد ثقافتی سرگرمیوں کے ہمراہ ایک عالمی پلیٹ فارم تشکیل دیتے ہوئے اس شعبہ میں پیشہ وارانہ نظام کی بحالی اور قائدانہ صلاحیتوں میں اضافے کی راہیں تلاش کرنا تھا۔
