واشنگٹن : 3جولائی ( ایجنسیز ) امریکی صدر ڈونلڈ ٹرمپ نے کہا ہے کہ فیڈرل ریزرو کے چیئرمین جیروم پاول کو فوری طور پر استعفیٰ دے دینا چاہیے۔ٹرمپ نے یہ تبصرہ اپنے ٹروتھ سوشل پلیٹ فارم پر کیا، جہاں انہوں نے فیڈرل ہاؤسنگ فنانس ایجنسی کے ڈائریکٹر ولیم پلٹ کی کال کے بارے میں ایک خبر شیئر کی، جس میں کانگریس سے پاول کی تحقیقات کا مطالبہ کیا گیا تھا۔انہوں نے بلوم برگ کی پلٹ کے بارے میں شائع ہونے والی خبر کا حوالہ دیتے ہوئے کہا کہ پاول کو فوری طور پر استعفیٰ دے دینا چاہیے!!ایک بیان میں پلٹ نے کانگریس سے مطالبہ کیا کہ وہ پاول کے خلاف تحقیقات کا آغاز کرے کیونکہ انہوں نے اسے ‘سیاسی تعصب’ اور ‘سینیٹ کی سماعت کے دوران گمراہ کن بیانات’ قرار دیا تھا۔
