حیدرآباد ۔ 18 ۔ اپریل : ( سیاست نیوز) : حیدرآباد شہر کی تھیٹر سے وابستہ مشہور و معروف شخصیت ببن خان کا 17 اپریل 2026 کی رات کو 82 سال کی عمر میں انتقال ہوگیا ۔ ببن خان آغا پورہ کے ساکن تھے جو بعد میں مانصاحب ٹینک منتقل ہوگئے تھے ۔ ببن خان کی پہچان ڈرامہ ’ ادراک کے پنجے ‘ سے ہوئی تھی ۔ یہ ڈرامہ شہر حیدرآباد ہی نہیں بلکہ پوری دنیا میں مشہور ہوا تھا ۔ 1965 میں کیا گیا اسٹیج ڈرامہ سب سے طویل عرصے تک چلنے والا شو بن گیا ۔ اس ڈرامہ نے برطانیہ کے 1984 کے ایڈیشن میں گنیز ورلڈ ریکارڈ میں اپنی جگہ حاصل کی ۔ ببن خان نے اردو اور دکنی زبان کا استعمال کرتے ہوئے اپنے فن کا بہترین مظاہرہ پیش کیا تھا ۔ ببن خان نے 10 ہزار شوز کرنے کے بعد 2000 ء میں چھوڑ دیا ۔ اس ڈرامے نے اکیڈیمی آف موشن پکچر آرٹس اینڈ سائنس ، ہالی ووڈ ، نوبل فاونڈیشن ، اسٹاک ہوم ، رائل اکیڈیمی آف ڈرامیٹک آرٹ ، لندن سمیت دیگر مقامات سے تعریفیں حاصل کیں ۔ ببن خان نے ایکٹنگ اکیڈیمی بھی شروع کی تھی ۔ سماجی تبصرے کے ساتھ حیدرآبادی مزاح کو ملاتے ہوئے ببن خان کے پرفارمنس اسٹائیل نے سامعین کے ساتھ آسانی سے جڑے ، روزمرہ کے حقائق کی عکاسی کرتے ہوئے انہیں ہنسایا۔ ببن خان آج بھی لوگوں کے دلوں میں زندہ ہیں ۔ انہوں نے اپنے طنز و مزاح سے سماج کی ایسی برائیوں کو اجاگر کیا تھا جو آج بھی لوگوں کے ذہن میں ہے ۔۔ ش m/A/b
