ممبئی۔حاملہ عورت کی مدد کے لئے پلیٹ فارم پر اٹو کے ساتھ پہنچا ڈرائیور۔ ویڈیو

,

   

انسانیت نوازی کے غیر معمولی واقعہ میں ویرار ریلوے اسٹیشن کے پلیٹ فارم پر موسلادھار بارش میں پھنسے ہوئے ایک حاملہ عورت کو اسپتال پہنچانے کے لئے اٹوڈرائیور پلیٹ فارم پر ہی اٹوکے ساتھ پہنچ گیا۔

حالانکہ اٹوڈرائیور کا یہ اقدام غیر قانونی ہے مگر کسی عورت حاملہ عورت اور نومولود کی جان بچانے کے لئے کے مقصد سے کی گئی اس کاروائی کی ستائش کی جارہی ہے۔

چونکہ ممبئی میں موسلادھار بارش ہے اور چاروں طرف سیلاب کا منظر ہے۔بتایاجارہا ہے کہ حاملہ عورت کو ویرار ریلوے اسٹیشن کے پلیٹ فارم پر شدت کا لیبر درد شروع ہوگیا۔ چاہتے ہوئے بھی پلیٹ فارم پر کھڑے لوگ عورت کی مدد سے قاصر تھے۔ کسی طرح مذکورہ اٹوڈرائیور کو اس کی جانکاری ملی۔

حاملہ عورت کو اسپتال پہنچانے کے لئے اٹوڈرائیور کسی چیز کے پرواہ کئے بغیر پلیٹ فارم پر پہنچ گیا اور حاملہ عورت کو اٹومیں ڈال کر وہاں سے روانہ ہوگیا۔

پلیٹ فارم پر کھڑے لوگوں نے اس منظر کو اپنے موبائیل فون کے کیمرے میں قید بھی کرلیا۔ پلیٹ فارم پرحاملہ عورت کو اٹومیں ڈال کر برق رفتاری سے گذرنے والے اٹو کو لوگ حیرت سے دیکھنے لگے۔

نیوز ایجنسی اے این ائی کے ٹوئٹر ہینڈ ل پر یہ ویڈیو پوسٹ کیاگیا ہے جس میں لکھا ہے کہ ویرار ریلوے اسٹیشن پر ٹرین کے انتظار میں کھڑے حاملہ عورت جو اسپتال جارہی تھی‘ پٹریوں پر پانی جمع ہونے کی وجہہ سے ٹرین منسوخ ہونے کے سبب پلیٹ فارم پر پھنس گئی۔

جس کے بعد مذکورہ حاملہ عورت کے شوہر نے اٹو طلب کیاجو ریلوے اسٹیشن کے پلیٹ فارم پر پہنچ کر حاملہ عورت کو اٹو کے ذریعہ اسپتال لے گیا۔

اٹوڈرائیور کی اس حرکت پر پولیس نے بروقت کاروائی نہیں اور نہ ہی گرفتار کیا۔ مگر بعد میں اٹوڈرائیور کو گرفتار کرکے عدالت میں پیش کیاگیا جہاں پر سخت وارننگ کے بعد اس کو رہا کردیاگیا۔

حالانکہ اٹوڈرائیور نے کسی کی جان بچانے کے لئے یہ اقدام اٹھایا ہے مگر پلیٹ فارم پر اس طرح کی حرکت غیر قانونی مانی جاتی ہے