نئی دہلی، 9 فروری (سیاست ڈاٹ کام) زراعت کے لئے سکڑتی زمین کی وجہ سے نہ صرف دیواروں کے ساتھ سبزیوں کی کاشت کی جا سکتی ہے بلکہ دیواروں کو سبزیوں سے سجائی بھی جا سکتی ہے اور اس کے لئے نہ تو مٹی کی اور نہ ہی کیڑے مار ادویات کے اسپرے کی ضرورت ہوتی ہے ۔کاشتکاری کیلئے کم ہوتی زمین اور کیمیکل کے اندھا دھند استعمال سے صحت پر مضر اثرات کی وجہ سے باشعور لوگوں میں اپنے استعمال کے لئے سبزیاں گھر میں اگانے میں دلچسپی بڑھ رہی ہے ۔ بہت سے لوگ پرجوش ہونے کے باوجود سبزیوں کی پیداوار کے لئے مناسب جگہ کے دستیاب نہ ہونے کی وجہ سے شوق پورا نہیں کر پاتے ہیں۔ آج ایک چھوٹی سی جگہ کا استعمال کرتے ہوئے گھریلو استعمال کے لیے یہ ممکن ہے ۔سینٹرل ٹروپیکل ہرٹیکلچر انسٹی ٹیوٹ (سی آئی ایس ایچ)،لکھنؤ کے ڈائریکٹر شیلندر راجن کے مطابق لوکی، ککڑی، کدو، سیم جیسی بیلدار سبزیاں اگانا کم زمین میں بھی ممکن ہے ، لیکن ہری سبزیوں کے لئے زیادہ جگہ کی ضرورت ہوتی ہے ۔سی آئی ایس ایچ نے خاص طور پر ایسا اسٹرکچرزڈیزائن تیار کیا ہے جن میں محدود جگہ میں بغیر مٹی کے سبزی اگانا آسان ہو گیا ہے ۔ڈاکٹرراجن نے بتایا کہ زیادہ تر گھروں میں دیواروں کے ساتھ ساتھ ایک فٹ کی پٹی پر اس شوق کو پورا کیا جا سکتا ہے ۔ پودوں کے لئے مٹی کی ضرورت ہوتی ہے جو زیادہ تر چھتوں اور جدید گھروں میں نہیں ہوتی ۔ فرش بھی سیمنٹ کا ہوتا ہے ۔سی آئی ایس ایچ نے کچھ اسٹرکچر تیار کئے ہیں اور ان کا استعمال کرتے ہوئے مختلف قسم کی سبزیاں اگانا ممکن ہے ، وہ بھی مٹی کے بغیر ۔پیاز، میتھی، پالک، دھنیا، سلاد ، چقندرر، پتاگوبھي اور بہت سی دوسری سبزیاں دس طریقے سے کامیابی کے ساتھ اگائی جاسکتی ہیں مٹی کے زیادہ وزن کی وجہ سے چھت پر پودھے اگانے کے لئے ہلکے وزن والے مرکب کا تجربہ کیا جا سکتا ہے ۔ بہت سے متبادل پر تحقیق کی گئی اور فصلوں کے انتخاب پر بھی اسٹڈی کی گئی۔ اس قسم کی کاشتکاری کے ماڈل میں بیماریوں اور کیڑوں کے انتظام کے لئے جراثیم کش ادویات کے استعمال کی ضرورت تقریبا نہ کے برابر ہے ۔ انسٹی ٹیوٹ کے چیف سائنسداں ایس آر سنگھ نے کئی اسٹرکچر تیار کئے ، جنہیں دستیاب جگہ کے مطابق ایڈجسٹ کیا جا سکتا ہے ۔
