نارائن پیٹ 11/جون (سیاست ڈسٹرکٹ نیوز)ڈسٹرکٹ جج و چیئرمین ڈسٹرکٹ لیگل سروسز اتھارٹی جناب محمد عبدالرفیع نے فریقین کو ہدایت کی کہ وہ لوک عدالت کی خدمات سے فائدہ اٹھائیں۔ سکریٹری سینئر سول جج ولیگل سروسز اتھارٹی نارائن پیٹ۔ مسٹر. جی سرینواس نے ہفتہ کی صبح ضلع مرکز میں عدالت کے احاطے میں منعقدہ میٹنگ ہال میں کہا کہ فریقین کو عدالتوں کے چکر نہیں لگانا چاہئے اور سمجھوتہ کرکے پرامن زندگی گزارنی چاہئے۔اس موقع پر فوجداری، دیوانی، واراضی تناضیات، ، سڑک حادثات، ازدواجی خاندانی تنازعات، بیکنگ چیک باؤنس، بجلی چوری، صارفین فورم، ٹریفک، ای چالان، پری قانونی چارہ جوئی سے متعلق 189 زیر التوا مقدمات کی نشاندہی کی گئی ہے۔ پرنسپل جونیئر سول جج جناب محمد عمر ایڈیشنل جونیئر سول جج۔محترمہ سید ہ ذکیہ سلطانہ، اسسٹنٹ پبلک پراسیکیوٹر شری سریش کمار اور بار کے نائب صدر نندو نماجی اور دیگر وکلاء اور پولیس افسران، فریقین نے میٹنگ میں شرکت کی۔
