ممبئی: مہاراشٹر اکے سابق وزیر نواب ملک، جو منی لانڈرنگ کے مبینہ معاملہ میں 18 ماہ کے لیے جیل میں بند تھے، جمعرات کو نائب وزیر اعلیٰ اجیت پوار کی قیادت میں نیشنلسٹ کانگریس پارٹی کے گروپ میں شامل ہوگئے۔ 64 سالہ ملک نے فروری 2022 سے اگست 2023 تک جیل میں وقت گزارا اور فی الحال میڈیکل ضمانت پر باہر ہیں۔قبل ازیں اجیت پوار نے میڈیا والوں کو بتایا کہ انہوں نے ملک کو فون کر کے ’ناگپور میں خوش آمدید‘ کہا تھا۔ انہوں نے کہا کہ وہ ایک سینئر لیڈر ہیں جو اس طرح کے معاملات پر اپنے فیصلے خود لینے کی صلاحیت رکھتے ہیں۔جمعرات کی صبح وہ مہاراشٹرا لیجسلیچر کے سرمائی اجلاس کے لیے ناگپور گئے اور ودھان بھون کامپلکس میں اجیت پوار گروپ لیڈر کے دفتر گئے۔انہوں نے مسکراتے ہوئے وہاں کے کئی ایم ایل اے اور دیگر عہدیداروں سے بات چیت کی۔ وہ تقریباً دو سالوں میں اپنے پہلے قانون ساز اجلاس میں شرکت کیلئے پہنچے تھے۔بی جے پی کا اظہار ناراضگی۔
