سڈنی ۔ پالتو کتے کے کاٹنے کی وجہ سے آسٹریلین ویمن کرکٹر ویمن بگ بیش لیگ سے باہر ہو گئیں۔آسٹریلیا کی قائم مقام کپتان اور سڈنی سکسرز کی وکٹ کیپر بیٹر ایلیسا ہیلی کو چند روز قبل ان کے پالتو کتے نے کاٹ لیا تھا۔ایلیسا ہیلی اپنے کتوں کی لڑائی روک رہی تھیں تو اس دوران ایک کتے نے ان کے ہاتھ کی انگلی پر کاٹ لیا۔ایلیسا ہیلی نے کہا ہے کہ یہ ایسی خبر ہے جس کی مجھے امید نہیں تھی، مجھے سڈنی سکسرز سے پیار ہے، میں ویمن بی بی ایل کھیلنا چاہتی تھی۔خاتون کرکٹر نے کہاکہ میرا اب توجہ جلد فٹ ہونے پر ہے، میں ٹیم کے ساتھ رہوں گی۔
