نئی دہلی: حکومت نے جمعرات کے روز راجیہ سبھا کو بتایا کہ کورونا اور ان کی پابندیوں میں نرمی کے بعد سے غیر ملکی سیاحوں کی تعداد میں اضافہ ہو رہا ہے اور اب کناڈا سمیت 165 ممالک کے سیاحوں کو ای ویزا جاری کیا جا رہا ہے ۔سیاحت کے ے وزیر مملکت ارجن رام میگھوال نے آج وقفہ سوالات کے دوران اس سلسلے میں ایک ضمنی سوال کے جواب میں یہ اطلاع دی۔ انہوں نے کہا کہ کناڈا کے ساتھ بھی اس حوالے سے معاہدہ ہونے سے اب 165 ممالک کو ای ویزا جاری کرنے کی سہولت شروع کر دی گئی ہے ۔انہوں نے کہا کہ کورونا کے بعد پانچ مفت ویزے جاری ہونے کے بعد غیر ملکی سیاحوں کی تعداد میں اضافہ شروع ہو گیا ہے ۔ انہوں نے کہا کہ سیاحوں کی مدد اور سیکیورٹی کے لیے 12 زبانوں میں ٹول فری نمبر جاری کئے گئے ہیں اور اس کے ذریعے سیاحوں کو مدد اور سیکیورٹی وغیرہ فراہم کرنے میں مدد کی جاتی ہے ۔ایک اور ضمنی سوال کے جواب میں وزیر سیاحت جی کشن ریڈی نے کہا کہ سیاحوں کی حفاظت پر خصوصی زور دیا جاتا ہے اور اس کے لئے ٹورسٹ پولیس کا بھی انتظام کیا گیا ہے ۔
