نئی دہلی:کیا آپ آن لائن پاسپورٹ درخواست کے بارے میں جاننا چاہتے ہیں، تو آج ہم آپ کو ایسے تمام سوالات کے بارے میں جانکاری دینگے۔ اس سے آپ آسانی سے پاسپورٹ بنوا سکتے ہیں اور آپ کو الگ سے کچھ کرنے کی ضرورت بھی نہیں پڑے گی۔آپ کو یہ جان کر حیرت ہوگی کہ آپ صرف 3 دن میں پاسپورٹ حاصل کرسکتے ہیں۔ لیکن آپ کو تتکال میں درخواست دینی ہوگی۔پاسپورٹ انڈیا کی سائٹ پر دستیاب معلومات کے مطابق، درخواست جمع ہونے کے بعد، آپ کے دستاویزات کی جانچ پڑتال کی جائے گی اور حتمی منظوری کے بعد، اسے تیسرے دن بھیج دیا جائے گا۔ یعنی تیسرے دن پاسپورٹ تیار ہو جائے گا۔ اس کے ساتھ Police Verification رپورٹ کا بھی انتظار نہیں کیا جاتا۔فیس کتنی ہے؟ نارمل پاسپورٹ کے لیے آپ کو 1500 روپے کی فیس ادا کرنی ہوگی۔ جبکہ تتکال پاسپورٹ کے معاملے میں یہ مختلف ہے۔ یہاں آپ کو اضافی تتکال فیس ادا کرنی ہوگی جو کہ 2,000 روپے زیادہ رہے گی۔ اگر آپ آن لائن درخواست دیتے ہیں تو آپ کو پہلے سے فیس ادا کرنا ہوگی۔ اس کے بعد آپ کی درخواست جمع کرائی جاتی ہے اور تاریخ منتخب کرنے کے بعد آپ کو قریب ترین پاسپورٹ سنٹر جانا ہوگا۔ 36 صفحات کے تتکال پاسپورٹ کے لیے آپ کو 3500 روپے ادا کرنے ہوں گے۔ 40 صفحات کے تتکال پاسپورٹ کے لیے آپ کو 4000 روپئے کی فیس ادا کرنی ہوگی۔تتکال پاسپورٹ کے لیے کوئی بھی درخواست دے سکتا ہے جبکہ ناگالینڈ میں رہنے والے لوگ تتکال پاسپورٹ کے لیے درخواست نہیں دے سکتے ہیں۔ پاسپورٹ آفس کو تتکال پاسپورٹ جاری کرنے کا پورا اختیار ہے۔ نابالغ بھی تتکال پاسپورٹ کے لیے درخواست دے سکتے ہیں لیکن اس کے لیے اتھارٹی کی اجازت لینا لازمی ہے۔
