دھنباد: ایریزونا، امریکہ کے ساکن ایک جوڑے نے جھارکھنڈ کے دھنباد سے ایک 15 ماہ کی لڑکی کو گود لیا ہے۔. حکام نے یہ اطلاع دی۔ٹوڈ بینک، ایک تاجر، اپنی بہن و سینٹرل ایڈاپشن ریسورس اتھارٹی اہلکاروں کے ساتھ دھنباد پہنچا اور گود لینے کا عمل مکمل کیا۔حکام نے بتایا کہ بینک کی اہلیہ ایریزونا یونیورسٹی میں پروفیسر ہیں اور وہ حاملہ ہونے کی وجہ سے ہندوستان نہیں آ سکتیں۔چائلڈ ویلفیئر کمیٹی ضلعی صدر اتم مکھرجی نے کہا کہ جوڑے نے لڑکی کو گود لیا ہے۔لڑکی کو 2023 میں گووند پور۔دھنباد ہائی وے سے متصل جھاڑیوں میں لاوارث پایا گیا تھا ۔
شراب گھپلے میں ملوث لوگوں کو بخشا نہیں جائے گا: وجے چودھری
سمستی پور: بہار کے آبی وسائل کے وزیر اور جے ڈی یو کے سینئر لیڈر وجے کمار چودھری نے آج کہا کہ سیوان اور چھپرا میں شراب گھپلہ میں ملوث لوگوں کو بخشا نہیں جائے گا۔سمستی پور کے آدرش نگر میں مشہور ڈاکٹر مہندر پرساد شرما کے مجسمے کی نقاب کشائی کی تقریب کے موقع پر مسٹر چودھری نے کہا کہ نتیش کمار نے شراب اسکینڈل کے واقعہ کا نوٹس لیا ہے اور ذمہ داروں کے خلاف سخت کارروائی کا حکم دیا ہے ۔
