انقرہ : وزیر خارجہ خاقان فدان نے کہا کہ دہشت گردی کو شام میں عبوری دور سے فائدہ اٹھانے کی اجازت نہیں دی جانی چاہیے۔وزیر فدان نے یہ بات اردن کے شہر عقبہ میں شام کے بارے میں منعقدہ ایک اجلاس سے خطاب کرتے ہوئے کہی۔اس بات پر زور دیتے ہوئے کہ شام کا استحکام خطہ اور پوری دنیا دونوں کے لئے انتہائی اہم ہے ، فدان نے کہا کہ ہم سب کو ایک منظم ، جامع اور شام کی قیادت میں منتقلی کے عمل کی ضرورت ہے۔وزیر فدان نے اس عرصے کے دوران ریاستی اداروں کے تحفظ کی اہمیت پر بھی زور دیا۔شام کی سالمیت کے تحفظ کی ضرورت پر زور دیتے ہوئے، فدان نے نشاندہی کی کہ شام کے امیر سماجی ڈھانچے کا تحفظ کیا جانا چاہئے، تمام اقلیتوں کا احترام کیا جانا چاہئے، اور اس عمل کو “اتحاد، باہمی مفاہمت، توجہ اور دیکھ بھال” کے ساتھ انجام دیا جانا چاہئے.بین الاقوامی برادری کی جانب سے ضروری سیاسی اور انسانی امداد کی فراہمی میں شام کی حمایت جاری رکھنے کی اہمیت پر زور دیتے ہوئے فدان نے کہا کہ ہمیں دہشت گردی کو کسی بھی طرح سے اس عبوری دور کا فائدہ اٹھانے کی اجازت نہیں دینی چاہیے۔انہوں نے کہا کہ شام پر اسرائیل کے حملے فوری طور پر بند ہونے چاہئیں، آنے والے دن شاید آسان نہ ہوں لیکن ترکہی کی حیثیت سے ہم شامی عوام کے شانہ بشانہ چلتے رہیں گے۔اس بات پر زور دیتے ہوئے کہ ترکیہ کو سرحد پار دہشت گردی کے خطرات کا سامنا ہے۔
