ممبئی: عالمی منڈیوں سے ملنے والے مثبت اشاروں سے حوصلہ پاکر، مالیاتی خدمات، صنعتی، بینکنگ، کیپٹل گڈز اور دھاتوں سمیت تیرہ زمروں میں مقامی طور پر سرمایہ کاروں کی خریداری کے باعث اسٹاک مارکیٹ میں آج مسلسل تیسرے روز تیزی درج کی گئی۔بی ایس ای کا سینسیکس 213.27پوائنٹس کے اضافے کے ساتھ 65,433.30 پوائنٹس کی سطح پر اور نیشنل اسٹاک ایکسچینج (این ایس ای) کا نفٹی 47.55 پوائنٹس بڑھ کر 19,444 پوائنٹس کی سطح تک پہنچ گیا۔ بی ایس ای مڈ کیپ بھی 0.42 فیصد کے اضافے سے 30,946.75 پوائنٹس پر اور اسمال کیپ 0.60 فیصد بڑھ کر 36,065.95 پوائنٹس پر پہنچ گیا۔اس دوران بی ایس ای میں کل 3783 کمپنیوں کے حصص کا کاروبار ہوا جن میں سے 2078 میں خریداری ہوئی 1544 میں فروخت کا غلبہ رہا جبکہ 161 میں کوئی تبدیلی نہیں ہوئی۔ اسی طرح 29 کمپنیوں میں پیشرفت جبکہ باقی 22 میں کمی ہوئی۔بی ایس ای کے 13 گروپوں میں اضافہ درج ہوا۔ اس عرصے کے دوران کموڈٹیز میں 0.09، سی ڈی 0.17، مالیاتی خدمات میں 0.86، ہیلتھ کیئر 0.15، انڈسٹریز 1.08، آئی ٹی 0.21، ٹیلی کام 0.27، بینکنگ 1.20، اور کیپٹل گڈس میں 1.16فیصد اضافہ درج کیا گیا۔
